திங்கள், 15 மார்ச், 2010

கானல் வெளிச்சம்

இன்னும் காலம் தேவைப்படுகிறது
என் வலியின் ஈரம் உலர..

வருடுகிற காற்றும்
ஈரத்தை சொரிந்து செல்கிறது..

என் சிறகுகள் முற்றிலுமாய்
நனைந்து விட்டது..

புலரும் வெயிலுக்காக
புல்வெளியில் தன்னந்தனியாய்
நடுங்கியபடி காத்திருக்கிறேன்..

தொலைதூரத்தில்
வெளிச்சம் மேலெழும்புகிறது
விரைவில் ஈரம் உலர்த்துவதற்காக
நெருங்கி செல்கிறேன்..

நான் நெருங்க நெருங்க
விலகிச் செல்லுமதன் பெயரை
நானறியத் தாமதமாயிற்று..
அது ‘கானல் வெளிச்சமென’

கருத்துகள் இல்லை:

கருத்துரையிடுக