ஊற்றுக் கண்

மலைமுகடுகளின்
அடியில் கசியும்
அல்லது ஊறும்
நீர் சலசலப்பற்றவை

பெருமலையின் மேலிருந்து
கொட்டும் நீருற்றின் கண்
எங்கோ ஒரு சுனைநீரிலிருந்து
பிறக்கிறது..

ஊற்றுக் கண் தேடியலைந்து
மானின் கண்கள் சோர்வுற்று
நிழலில் ஒதுங்குகிறது..

நிழலோரத்தில்
இலைகள்
மேவிக்கிடந்த நீருற்று
காற்றின் விலக்குதலில்
கண்ணிற்பட்டது..

தாகம் தீர மான் நீரை
உறிஞ்சுகிறது..
ஊற்றிலிருந்து
நீர் புதிய புதிய
இசையோடு வெளிப்படுகிறது..