அமிழ்ந்த காதல்

நாம் மீண்டும் சந்திப்போம்
காதலை
புதைத்த இடத்தில்..

முன்னர் கொட்டிய
வீண் சொற்களின் எஞ்சிய எலும்புகளும்..
மென் சொற்களின் மிஞ்சிய களிம்புகளும்
தென்படும் தடயங்களாய் ..

நீயும் நானும் பார்த்திருக்க
நமக்குள் அமிழ்ந்த காதல்
வெடித்துச் சிதறியழும்..

ஆற்றுபடுத்த தயங்குகையில்
தானே தேற்றிக் கொண்டு
தொடர்ந்து வரும்
நமது சுவடுகளின்
அடியொற்றி..

அப்போது
நாம் மீண்டும் சந்திப்போம்
காதலை விதைத்த இடத்தில் ...